Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6821 einen kampf muoz bestân,
        den ich alsô genomen hân
        daz in der künec Artûs muoz sehen:
        er sol in sînem hove geschehen.
        wurde sî danne mîn wîp
6826 und verlür ich dâ den lîp,
        sô wære sî gunêret.'
        der wirt sprach 'swar ir kêret,
        daz ist mir gar unmære,
        und muoz mir wesen swære
6831 daz ichs iuch ie an gebôt,
        wan ich ir iuch unz an mînen tôt
        harte gar erlâzen sol.'
        der gast vertruoc den zorn wol.
         Er sprach 'lieber herre,
6836 nû man ich iuch vil verre,
        bedenket iuwer hêrschaft,
        daz iuwer gelübede habe kraft.
        sît ich hie gesiget hân,
        sô sult ir iuwer gevangen lân
6841 alle ledec durch mich.'
[ zurück ]